Шығыс Қазақстанда тұманға байланысты жабылған жол қайта ашылды
ӨСКЕМЕН. ҚазАқпарат – Шығыс Қазақстан облысында тұманға байланысты жабылған жол қайта ашылды, деп хабарлайды ҚазАқпарат тілшісі.
ШҚО төтенше жағдайлар департаменті баспасөз қызметінің мәліметіне сүйенсек, бүгін сағат 13.30-дан бастап жабылған жол қайта ашылды.
«Тұман түсіп, жолдың дұрыс көрінбеуіне байланысты жабылған облыстық маңызы бар «Өскемен-Тарғын-Самар» тасжолының 88-145 шақырымында (Жоғарғы Тайынты мен Самар ауылдарының аралығы) көліктің барлық түрі үшін қозғалысқа рұқсат берілді. Осы ретте, өңір жұртшылығына алыс сапарға шығар алдында жолдардың жай-күйін «Дәрмен» мобильді қосымшасы арқылы тексеріп отыруға кеңес береміз», - делінген ақпаратта.
Еске салсақ, осыған дейін Шығыс Қазақстандағы тасжолдардың бірінде көлік қозғалысына тыйым салынғанын хабарлаған едік.
