Шығыс Қазақстанда жылыту маусымы басталып кетті
ӨСКЕМЕН. ҚазАқпарат - ШҚО-да мекемелерге жылу беріле бастады, деп хабарлайды ҚазАқпарат Altaynews ақпарат агенттігіне сілтеме жасап.
25 қыркүйек күні Алтай қаласындағы 69 әлеуметтік нысанға жылу беріле бастады. Алтай қаласында ауа райының орташа температурасы - 15 градус жылы. Түнде градус тілі төменге түсіп кетеді.
Айта кетейік, 24-26 қыркүйек күндері түнде ауа температурасы 3 градусқа дейін төмендеп, қатқақ жүретінін «Қазгидромет» те хабарлаған болатын.
«69 нысанның басым көпшілігі - балабақша, мектеп және емханалар. Олар жылу беру маусымына дайын екенін растады», – деді қала әкімі Константин Передельский.
