Шығысқазақстандық тоғыз оқушы белгісіз газдан уланып қалды

ӨСКЕМЕН. ҚазАқпарат - Глубокое кентінде Алтынсарин атындағы орта мектептің 5-сыныпта оқитын тоғыз оқушысы белгісіз газдан уланып қалды. Балаларды жақында ауруханаға жеткізген, деп хабарлайды «ҚазАқпарат» ХАА тілшісі ШҚО Жұмылдыру дайындығы департаментіне сілтеме жасап. 

Балалардың жағдайы бірқалыпты, оларды толық тексеріп, қажетті процедуралар жүргізген. Тұтынушылар құқығын қорғау департаменті мектепте тексеру жүргізіп, оқиғаның себебін анықтап жатыр.