«Шымбұлақ» спорт кешені Азия ойындарына дайын - А.Есімов

АЛМАТЫ. 24 қаңтар. ҚазАқпарат /Ербол Азанбек/ - Еліміздің мақтанышы - «Шымбұлақ» тау шаңғы кешені 7-Қысқы Азия ойындарына дайын.

Бұл туралы қала әкімі Ахметжан Есімов өткен сенбі күні демалыс кешенінің ресми ашылуында айтты.

Әкім нысан басшыларының үлкен жұмысты жүзеге асырғанын атап өтті. «Енді отандық демалыс орнының құрылымы барлық замануи талаптарға сай келеді»,- деді қала әкімі.

Осы кеште қала әкімі белгілі байкер Дмитрий Петрухин алып келген Азияның олимпиадалық кеңесінің жалауына қол қойды. Жалауға бұған дейін 45 елдің олимпиадалық комитетінің басшылары қол қойған болатын. «Көптеген елдер экваторлық аймақта орналасқандықтан олардың спортшылары ойындарға қатыса алмайды. Алайда қатысушы елдердің саны басым»,- деген байкер, өзінің екі күн бұрын әл-Кувейттен оралғанын жеткізді.