«Шымбұлақта» фристайлден халықаралық жарыс өтеді

АСТАНА. ҚазАқпарат - Алматыдағы «Шымбұлақ» тау шаңғысы курортында әуесқой және кәсіби атлеттер арасында Freestyle жарысы өтеді, деп хабарлайды ҚазАқпарат.

Алматының ақпараттық-спорт хабы таратқан мәліметке сәйкес, спорттық «Gorilla Winter Jungle» бойынша «Freeski» және «Snowboard» бағыттары арқылы жүреді. Бағдарламада «Freestyle Show» - көрсетілім шоу ұсынылады, оған «Gorilla Team», «Big Air» кәсіби атлеттер қатысады. Фристайлден үлкен трамплиндегі жарыс әуесқой деңгейдегі райдерлер үшін ұйымдастырылып, оған жасы 16-ға толғандардың барлығы қатыса алады. Онда түрлі трюктер, амплитудалық және акробаттық секірулер, сонымен қатар «Jibbing» - мини контесттер (перилдер, бокстар, грандер), шаңғы мен сноубордтарда түрлі трюктер жасауға болады.

Жарыстың жүлде қоры 1 миллион теңгеден астам. Бұдан өзге, шараны ұйымдастырушы серіктестердің де жүлделері болады. «Big Air» сноуборд: 1 орын - 300 000, 2 орын - 200 000, 3 орын - 100 000 теңге.

«Big Air» шаңғы: 1 орын - 150 000, 2 орын - 100 000, 3 орын - 50 000 теңге.

«Jibbing» сноуборд: 100 000, «Jibbing» шаңғы - 50 000 теңге. Қыздар: жастыққа секіру - 50 000 теңге, джиббинг - серіктестік жүлдесі.

«Шымбұлақ» тау шаңғысы курортындағы жарыс аясында Мәскеуден, Сочиден және басқа қалалардан арнайы келген қонақтар көрсетілім қояды. Олардың арасында Артем Шелдовицкий, Андрей Ануфриев, Даниил Мельников, Степан Деонисьев, Сакен Кагаров сынды танымал спортшылар бар.

Шара Алматыда спорттың экстремалды түрін,фристайлды, салауатты өмір салтын, Қазақстандағы спорттың тау түрлерін дамытуға бағытталған.

Жарыс 2018 жылдың 10 наурызында сағат 11:00-ден 17:00-ге дейін өтеді.

Фото: shymbulak.com