Шымбұлақта жасанды қар көшкіні жүреді
АЛМАТЫ. ҚазАқпарат - Жексенбі күні, 20 қарашада Шымбұлақта жасанды қар көшкіні жүреді, деп хабарлайды ҚазАқпарат Алматы әкімдігінің баспасөз қызметіне сілтеме жасап.
Алматы қалалық Төтенше жағдайлар департаментінің мәліметтеріне қарағанда, сағат 07-00-дер шамасында Шымбұлақта арнайы дайындалған қар көшкіні жүреді.
Айта кетейік, қаланың таулы аймақтарында қардың қалыңдығы нормадан екі есеге көп. Соңғы мәліметтер бойынша, Алматы қаласының аймағында қардың қалыңдығы 32, ал таулы аймақтарда 60 см-ге жетті.
