Шымкент әуежайы қайтадан штаттық режимде жұмыс істеп тұр
АСТАНА. ҚазАқпарат - Шымкент қаласындағы әуежайда рейстерге қойылған шектеу болжанған мерзімнен бұрын алынып тасталды, деп хабарлайды «ҚазАқпарат» ХАА ҚР ИДМ Азаматтық авиация комитетіне сілтеме жасап.
«Бүгін таңғы сағат 06:30-ға жоспарланған SCAT әуе компаниясының DV 701 рейсі кесте бойынша ұшты. Әуежай штаттық режимде жұмыс істеп жатыр», - делінген хабарламада.
Еске салайық, 15 желтоқсанда сағат 16:00-ден бастап Шымкент әуежайы ауа райының қолайсыздығына байланысты жабылып, 10-нан астам рейс тоқтатылған еді.
