Шымкент қаласының әкімі ауыспайды
ШЫМКЕНТ. ҚазАқпарат - Шымкент қаласы әкімі Ғабидолла Әбдірахымов қызметінен кетпейді, деп хабарлайды ҚазАқпарат тілшісі әкімнің кеңесшісі - баспасөз қызметінің жетекшісіне сілтеме жасап.
Баспасөз хатшысы Әйгерім Жұмағұлова Шымкенттің әкімі Ғабидолла Әбдірахымов қаңтар айының басында 12 күндік еңбек демалысын алғанын, ал кеше жұмысқа қайта оралғанын айтады.
Сондай-ақ, ол бірқатар баспасөз беттерінде айтылып қалған ауыс-түйіс мәселесінің күн тәртібінде жоқ екендігін де жеткізді.
«Әкім ешқайда ауыспайды, демалыстан кейін тың күште, толық жұмысқа кірісті», - деді баспасөз қызметі жетекшісі.
Ерлан Жүнісбайұлы
