Шымкент тұрғыны 16 метрлік құдыққа құлап кетті

ШЫМКЕНТ. 12 наурыз. ҚазАқпарат - Шымкент тұрғыны 16 метрлік құдыққа құлап кетті. Суық судың ішінде ер адам бірнеше сағат отырды.

Мұндай биіктікке қарамастан ер адам тірі қалды, бірақ оның екі аяғы бірдей сынды.

Қала тұрғыны құдықты тазаламақ болған, бірақ абайсызда ішіне түсіп кеткен. Көршілер оны өз бетімен шығара алмаған соң, құтқарушыларды шақырды.

Қазір ер адам ауруханада жатыр, медицина қызметкерлерінің айтуынша, «оның өміріне қауіп жоқ».