Шымкентте 13 жастағы қыз газдан уланып, көз жұмды
ШЫМКЕНТ. ҚазАқпарат - Шымкентте 13 жастағы жасөспірім газдан уланып, қаза болды. Қайғылы жағдай Абай ауданындағы жекеменшік үйлердің бірінде орын алған, деп хабарлайды ҚазАқпарат тілшісі.
Қалалық ТЖД мәліметінше, жасөспірімнің газдан уланғаны туралы хабарлама 5 қаңтар, күндізгі сағат 15:30 шамасында келіп түскен.
«Жеке үйде газ колонкасының ақауынан 2005 жылы туған жасөспірім табиғи газдан уланып, оқиға орнында қайтыс болды. Оқиға орнына ТЖ және полиция департаменттерінің 5 қызметкері барған. Қазіргі таңда қайғылы оқиғаның себеп-салдары анықталып жатыр» делінген хабарламада.
