Шымкентте 15 жасар қызды іздеуге еріктілер де жұмылдырылды

ШЫМКЕНТ. ҚазАқпарат - Шымкентте 15 жасар қызды іздеуге еріктілерде жұмылдырылды, деп хабарлайды ҚазАқпарат тілшісі.

30 желтоқсан күні сағат 15:00 шамасында үйінен шығып кеткен Шымкент қаласының тұрғыны Сагидуллаева Анель Талғатқызы қайтып оралмаған.

Бойы - 160-165 см, дене бітімі - орташа, шашы - ұзын. Үйден шыққанда үстінде сұр-қара түсті күртеше мен спорттық шалбары болған.

Жоғалған қызды табу үшін Шымкент қаласы Полиция департаментінің жеке құрамы жұмылдырылған. Сондай-ақ, туыстары мен еріктілер де іздеуде.

«Аталған жасөспірім қызды көрген-білген адамдар болса, тез арада 102 нөміріне хабарласуларыңызды сұранамыз», -дейді полиция департаментінің өкілдері.

Фото: Шымкент қаласы полиция департаменті