Шымкентте 19 жастағы бойжеткен із-түзсіз жоғалып кетті
АСТАНА. ҚазАқпарат - Шымкент қаласының полицейлері із-түзсіз жоғалған 19 жастағы бойжеткенді іздестіріп жатыр. Жоғары оқу орындарының бірінде оқитын студент қыз 23 мамыр күні университеттен шығып кетіп, қайтып оралмаған, деп хабарлайды ҚазАқпарат.
Қыздың ата-анасы 26 мамыр күні Шымкент қаласына қарасты Әл-Фараби аудандық полиция бөліміне арызданған. Онда 1998 жылы туған қыздары Мырзабек Дана Бахытқызы хабар-ошарсыз кеткенін көрсеткен. Содан бері тәртіп сақшылары бойжеткенді таппай отыр. Ендігі жерде полицейлер облыс және басқа да өңірдің тұрғындарынан Дана Мырзабекті көрген-білгендер болса, Шымкент ҚІІБ Әл-Фараби ПБ-не 8-7252-97-60-09, 8-776-800-81-81 нөміріне немесе «102» нөміріне хабарласуын сұрайды.
Жоғалған Дана Мырзабектің белгілері: бойы 165 см, дене бітімі орта, шашы иығынан, қоңыр түсті. Қара түсті майка, қара-көк түсті жейде, сұр джинс шалбары, көк түсті балетка - аяқ киім киген.
