Шымкентте 6 елдің əуе шарлары ұшырылды
ШЫМКЕНТ. ҚазАқпарат - Шымкентте алғаш рет əуе шарларының «Ашық аспан» халықаралық фестивалі өтті. Шарада алты елдің өкілдері қатысты, деп хабарлайды ҚазАқпарат тілшісі.
Бағдарламада Қазақстан, Украина, Ресей, Түркия, Қырғызстан, Өзбекстан мен басқа елдердің өкілдері əуе шарларын ұшырды. Аспан көгіне ұзын-саны 15 аэростат көтерілді. Мереке қонақтарына тəжірибелі пилоттар шарды əуеде бағыттау бойынша шеберлік-сабақтарын көрсетіп, ұтыс ойындары ойнатылды. Флешмобтар мен фотосессия ұйымдастырылды.
Ал кешкісін қала тұрғындары белгілі»Moldanazar» тобының қатысуымен болатын концертті тамашалайтын болады.
