Шымкентте бүлдіршіннің басына кастрөл кептеліп қалған
ШЫМКЕНТ. ҚазАқпарат - Шымкентте бір жарым жасар бүлдіршін кастрөлмен ойнап жүріп, оны шеше алмай қалған. Ыдысты ата-анасы да шешіп ала алмаған соң, көмекке құтқарушыларды шақырған, деп хабарлайды ҚазАқпарат тілшісі.
Қалалық ТЖД баспасөз қызметінің мәліметінше, кастрөл баланың басына тығыз киіліп қалған. Сондықтан оны ата-анасы шеше алмай қалған. Бұл оқиға туралы құтқару қызметіне күндізгі сағат 12.40-та хабарлама келіп түскен. Бүлдіршіннің үйіне бас құтқарушы К.Нұсқабаевтың басшылығымен 4 қызметкер келді.
«Құтқарушылар өсімдік майын қолданып, абайлап және нақты іс-қимылмен 15 минут ішінде кішкентай бүлдіршіннің басынан кастрөлді алып тастағады. Баланың басына зақым келмеген», делінген хабарламада.
