Шымкентте футболдан жасөспірімдер арасында халықаралық турнир басталды
Жыл сайын дәстүрлі түрде өтіп келе жатқан турнирге көршілес Өзбекстанның «Пахтакор» футбол академиясынан 2 команда қатысып отыр. Сонымен қатар, Астана, Ақтөбе, Талдықорған, Қызылорда, Тараз қалаларынан 2 командадан келді. Ойында жалпы саны 15 команда өнер көрсетуде. Олар апта бойы мықтылықтарын көрсететін болады. Халықаралық турнирдің жүлде қоры да қомақты. Ұйымдастырушылар үздік шабуылшыдан бастап, әділ төрешіге дейін арнайы номинациялар белгілеп отыр.
«Қазіргі заманға сай балалардың жарысқа қатысу деңгейін жасарттық. 2006-2007 жылғы балалар келді. Жарыс үш стадионда болып жатыр. Екі стадион Сайрам ауданында. Біз үнемі елдімекендердегі футболдың, бұқаралық спорттың дамуына жанкүйерлер келіп, қызығушылық танытып, атсалысса деген оймен жарыстың бір бөлігін аудандарда өткізіп тұрамыз», - деді ОҚО-ның футболдан олимпиада резервін дайындайтын балалар мен жасөспірімдердің мамандандырылған спорт мектебінің директоры Ермек Дәрменов.