Шымкентте қандай салалар жемқорлыққа бейім - Департамент басшысының жауабы

НҰР-СҰЛТАН. ҚазАқпарат - Шымкент қаласы бойынша сыбайлас жемқорлыққа қарсы қызмет департаментінің басшысы Асхат Жұмағали Antikor.live онлайн бағдарламасында қаладағы сыбайлас жемқорлыққа бейім салаларды атады, деп хабарлайды ҚазАқпарат тілшісі.

«Қ ұқық қорғау саласы сыбайлас жемқорлыққа бейімірек. Атап айтқанда, азаматтармен жиі байланыста болатын ішкі істер органдарының қызметкерлері болып отыр», - дейді Шымкент қаласы бойынша сыбайлас жемқорлыққа қарсы қызмет департаментінің басшысы Асхат Жұмағали.

Оның атап өтуінше, сыбайлас жемқорлық бойынша ауыл шаруашылығы, білім беру саласы да көшбасшылар қатарында.

«Жалпы, жыл басынан бері біз сыбайлас жемқорлықпен айналысқан 34 адамды анықтадық, - дейді ол.