Шымкентте қауіпті індеттен тағы 11 адам айықты

ШЫМКЕНТ. ҚазАқпарат – Шымкентте коронавирус инфекциясынан тағы 11 адам емделіп, ауруханадан шығарылды. Бұл науқастар вирусқа қарсы емдеу мен симптоматикалық терапияның толық курсын алған, деп хабарлайды ҚазАқпарат тілшісі.

Қалалық төтенше жағдай штабының мәліметінше, қауіпті вирусты жеңіп шыққандардың жастары 6 мен 74 аралығында. Дәрігерлер оларды емдеу барысында аса бір асқынулар болмағанын айтады. «Емдеу терапиясынан кейін науқастардан анализ сынамалары алынып, теріс нәтиже көрсеткен. 3 мамыр күні 11 науқас ауруханадан шығарылған. Айта кетейік, бүгінге дейін қаладағы жұқпалы аурулар ауруханасынан коронавирус инфекциясына шалдыққан 49 науқас дертінен айығып шықты», делінген хабарламада.