Шымкентте қоқыстан табылған нәресте оқиғасы: 1996 жылғы әйел полицияға жеткізілді
ШЫМКЕНТ. ҚазАқпарат – Шымкентте қоқыс арасынан табылған нәрестенің анасы 1996 жылы туған әйел болуы ықтимал. Әйел адам поицияға жеткізілді, деп хабарлайды ҚазАқпарат.
Кеше, яғни 18 қазан күні полицияға Рысқұлов көшесінің бойында орналасқан қоқыс жәшіктерін тазалау барысында «ЛТД-Тұрмыс» ЖШС-нің қызметкерлері жаңа туған баланың мәйіті бар пакет тапқаны туралы хабарлама түскені туралы жазған болатынбыз.
Аталған факті бойынша ҚР ҚК-нің 100-бабымен (Жаңа туған баланы анасының өлтіруі) сотқа дейінгі тергеп-тексеру амалдары басталды.
Нәрестенің мәйітіне сот-медициналық сараптама тағайындалды.
Тергеу барысында 1996 жылы туылған күдікті азаматша анықталып, полицияға жеткізілді.
«ҚР ҚПК-гің 201-бабына сәйкес өзге ақпарат тергеу құпиясын сақтау және оны қамтамасыз ету мақсатында жария етуге жатпайды»,-делінген хабарламада.
