Шымкентте Қыз Жібектің суретіне «жан бітіп», Гәкку әнін шырқайтын болды
ШЫМКЕНТ. ҚазАқпарат - Шымкентте Қыз Жібек пен Төлегеннің суретіне «жан бітті», деп хабарлайды ҚазАқпарат.
Бұл жайында Шәкен Айманов атындағы «Қазақфильм» киностудиясы Facebook парақшасында мәлімет таратты.
«Бұл керемет мурал – режиссер Сұлтан Қожықовтың «Қыз Жібек» фильмінен алынған көрініс. Ол Шымкенттегі тұрғын үйдің қасбетінде орналасқан» деп жазады киностудия.
Муралдың ерекшелігі - сіз смартфонмен суреттің жанындағы QR кодты сканерлесеңіз, «Гәкку» әні шырқалып, суретке жан бітеді.
Бас кейіпкердің атпен бейнеленген суреті де «тірі» секілді.
