Шымкентте салымшылары алданып қалған ломбард директоры ұсталды
ШЫМКЕНТ. ҚазАқпарат – Шымкентте «ESTATE Ломбард» ЖШС-нің директоры қамауға алынды, деп хабарлайды ҚазАқпарат тілшісі.
Департамент баспасөз қызметінің мәліметінше, алданған салымшылар полицияға жаппай арыз түсірген. Қазіргі таңда «ESTATE Ломбард» пен «Гарант 24» ЖШС-теріне қатысты сотқа дейінгі тергеу амалдары басталған.
«ESTATE Ломбард» ЖШС мен «Гарант 24» ЖШС-не қатысты Қылмыстық кодекстің 217-бабы 3- бөлігімен іс қозғалған. Жедел іздестіру шаралары барысында ломбард директоры ұсталған. Қазіргі таңда «Гарант 24» ЖШС директорын ұстауға қатысты қажетті шаралар жүргізілуде» делінген хабарламада.
