Си Цзиньпин: Қытайдағы мемлекеттік БАҚ оқиғаны «оң» жағынан жариялауы тиіс
АСТАНА. ҚазАқпарат - Қытайдың мемлекеттік бұқаралық ақпарат құралдары Қытай Компартиясының жолын қатаң ұстанып, оқиғаны «жағымды» таратуға дағдылануы тиіс. "Жэньминь жибао" газеті жазғандай, бұл туралы ҚХР төрағасы Си Цзиньпин хабарлады.
«ҚКП басқаруындағы барша БАҚ компартияның еркіндігі мен оның ұсынысын партияның жұмылуы мен беделін қорғай отырып жеткізуі тиіс», - деп мәлімдеді жұма күні Қытайда жетекші БАҚ штаб-пәтеріне өткен симпозиумда ҚХР төрағасы. Оның айтуынша, мемлекеттік БАҚ «ҚКП ОК партиялық идеологиясымен, саяси ой-пікірімен хабардарлығын арттыруы» қажет. «Партияға адамдардың рухани баюын қамтамасыз етуге жәрдемдесуі тиіс», - деп мәлімдеді Си Цзиньпин.
«Журналистер арасында тілшілерді Қытай компартиясы ұсынған ұсыныстар мен саясатты таратушы ету, теңдік пен әділдікке ықпал ету үшін марксистік журналистиканы зерделеуі көтермеленуі тиіс», - деп атап өтті қытайлық көшбасшы.
«Журналистиканың өмірі шындықты жеткізуден тұрады, факті шындыққа негізделгені маңызды. Фактіні дәл бере отырып журналист болып жатқан оқиғаның жалпы жағдайын көрсете білетіндей ой-өрісі кең болуы қажет», - деп санайды ҚХР төрағасы. «БАҚ проблемалар мен әлеуметтік ауруларға қарсы тұрып, жақсылықты дәріптеп, жамандықты сынға алуы тиіс», - деп өз сөзінде қытайлық көшбасшы бағалау материалдарын дайындау кезінде нақты фактілер мен объективті талдау келтіру маңыздылығына тоқталды.
