Си Цзиньпин «Бір белдеу, бір жол» бастамасын бірлесіп салуға шақырды
БЕЙЖІҢ. KAZINFORM – «Бір белдеу, бір жол» бастамасының құрылысы жоғары сапалы дамудың жаңа кезеңіне аяқ басты. Бұл туралы ҚХР төрағасы Си Цзиньпин «Бір белдеу, бір жол» бастамасына арналған симпозиум барысында мәлімдеді, деп хабарлайды Xinhua ақпарат агенттігі.

ҚХР төрағасы «Бір белдеу, бір жол» бастамасы аясында жоғары сапалы ынтымақтастық тетіктерін күшейту, жоспарлау, үйлестіру және басқару тетіктерін жетілдіру қажеттігін атап өтті.
Бүгінде Қытай 150-ден астам ел және 30-дан астам халықаралық ұйыммен «Бір белдеу, бір жол» аясындағы ынтымақтастық туралы құжаттарға қол қойды.
ҚХР Сауда министрлігінің мәліметінше, 2023 жылдың аяғында қытайлық компаниялар «Бір белдеу, бір жол» бастамасына қатысушы елдерде 17 мың шетелдік кәсіпорын құрды, тікелей инвестицияның жалпы көлемі 330 млрд доллардан асты, ал бастамалар аясында шетелде ашылған сауда-экономикалық ынтымақтастық аймақтары 530 мың жұмыс орнын ашуға мүмкіндік берді.
2024 жылдың алғашқы 10 айында Қытайдың «Бір белдеу, бір жол» бастамасына қатысушы елдермен саудасы бір жылда 6,2%-ға өсті.
«Бір белдеу, бір жол» бастамасы Қытай 2013 жылы бастаған «Жібек жолының экономикалық белдеуі» және «ХХІ ғасыр теңіз Жібек жолы» жобаларын біріктіреді. 2024 жылы «Белдеу және жол» аясындағы ынтымақтастықтың екінші онжылдығына кері санақ басталды.
Еске салсақ, Қытай Халық Республикасымен шетелдік рұқсат бланкісін алмасу бұдан былай электронды форматта жүзеге асады.