Сильвестр Сталлоне: Головкин - ұлы боксшы
АСТАНА. ҚазАқпарат - Голливуд жұлдызы Сильвестр Сталлоне Инстаграмдағы парақшасында қазақстандық боксшы Геннадий Головкиннің суретін жариялап, ұлы боксшы деп атады. Бұл жайлы Sports.kz хабарлайды.
«Ұлы боксшы Triple G! Бүкіл әлем рематчты тағатсыздана күтуде! Әдемі жейде», - деп жазды Сталлоне.
Еске сала кетейік, Сильвестр Сталлоне Геннадий Головкиннің Марко Антонио Рубиомен өткізген жекпе-жегіне барған болатын.
Головкин мен Сауль Альварес арасындағы кезекті айқас 5 мамыр күні Лас-Вегастағы T-Mobile аренасында өтеді.
