Silk Way телеарнасында Астана мен Бейжің арасындағы телекөпір өтеді

АСТАНА. KAZINFORM – Астанада Шанхай ынтымақтастық ұйымы саммитінің алдында Silk Way және CGTN студияларында қазақстандық және қытайлық сарапшылардың қатысуымен телекөпір ұйымдастырылады.

Телекөпір барысында өңірдегі қауіпсіздікті қамтамасыз ету, «үш залым күшке» бірлесіп қарсы тұру, ШЫҰ-на қатысушы елдердің сауда-экономикалық ынтымақтастығын нығайту сияқты мәселелер қаралады. Олардың арасында әрине, Silk Way мен CGTN телеарналарының кәсіби серіктестігін дамыту да бар. Атап айтқанда Silk Way телеарнасында CGTN-мен ынтымақтастық аясында «Жібек жолы симфониясы: Алғашқы онжылдық» атты документалды фильм мен «Шанхай рухы» атты студиялық ток-шоуы көрсетіледі.

Астана мен Бейжің арасындағы телекөпір Silk Way телеарнасының эфирінде көрсетіледі.

Қазақстан көрермендері үшін көрсетілетін эфир уақыты: 28 маусым, Астана уақыты бойынша сағат 19:00.

Шетелдік көрермендер үшін: 29 маусым, Астана уақытымен сағат 01:00.

Silk Way – ел аумағынан тыс хабар тарататын Қазақстанның алғашқы спутниктік телеарнасы. Телеарнаны 118-ден астам елден көруге болады. Ол қазақ, орыс, ағылшын, қырғыз, өзбек, түрік сияқты 6 тілде хабар таратады.

СGTN – Қытай Халық Республикасының жаһандық телевизиялық желісі. СGTN телеарналарын әлемнің 160-тан астам ел мен өңірінен тамашалауға болады.