Сингапур коронавирусқа байланысты шекараны толықтай жабады
БЕЙЖІҢ. ҚазАқпарат –Сингапур соңғы 14 күнде ҚХР-ға келген шетелдіктерді қоса алғанда, құрлықтық Қытайдан келетін тұлғалар үшін шекараларды жабады, деп хабарлайды ҚазАқпарат South China Morning Post-қа сілтеме жасап.
Қозғалыс шектеуі сенбі күні, 1 ақпанда күшіне енеді. Сондай-ақ Сингапур виза беруді тоқтату туралы шешім қабылдады.
Бұл ережелер Қытайда болған Сингапур тұрғындары мен азаматтарына қолданылмайды.
Соңғы мәліметтер бойынша, бұл елде жаңа коронавирус ауруын жұқтырғаны расталған 13 жағдай тіркелген.
Автор:
Руслан Сулейменов
