Сингапурда 17 мыңнан астам адам метро ішінде қамалып қалды
АСТАНА. 7 сәуір. ҚазАқпарат - Сингапур метросында бейсенбі күні таңертең 17,5 мыңнан астам адам бірнеше сағат бойы жолаушыға лық толы метро вагондарынан шыға алмай қалды,
себебі теміржолдағы бір пойыздың зақымдануына байланысты жолдағы қозғалыс түгелдей тоқтап қалған еді, деп жазады Утро. ру агенттігі.
Пойыздардың бірі теміржол үстінде істен шыққан. Адамдар арасында зардап шеккендер жайлы нақты ақпарат әлі белгісіз.
Сингапур қаласының басшылығы техникалық ақауға байланысты ыңғайсыздыққа тап болған жолаушылардың барлығынан кешірім сұрады. Компания өкілдері жолаушылардың кез келгені үш жұмыс күні ішінде өтемақы талап етуге құқылы екендігін жеткізді.
