Сингапурде ағаш ноутбук ойлап тапты
АСТАНА. ҚазАқпарат - Сингапур дизайнерлері ерекше ноутбук шығарды. Оның корпусы ағаштан жасалған. Ол бірден экологиялық компьютер дәрежесіне өтіп, әлемдегі алғашқы «жасыл компьютер» мәртебесін алып та үлгерді.
Шын мәнісінде, екі сингапурлық дизайнердің идеясы әлдеқайда ауқымды, деп хабарлады Infuture . Олардың мақсаты экологиялық ноутбук емес, «мөлдір» ноутбук жасау болатын. Мұның бір ерекшелігі, сатып алушы өз қалауынша кез келген түр мен корпус дизайнын таңдай алады.
Жаңа компьтердің корпусы үшін ағаш, пластик, шыны, болмаса тағы бір затты таңдауға болады. Тіпті дизайнын да.
Жаңа ноутбук Project Novena деп аталады және сатып алушыларға қазірдің өзінде алдын ала тапсырыс беруге болады.
