Синоптиктердің 20 қазанға арналған ауа райы болжамы

АСТАНА. ҚазАқпарат - Атмосфералық фронттардың өтуіне байланысты 20 қазан күні Қазақстанның басым бөлігінде жауын-шашын сақталады, тек оңтүстікте және оңтүстік-шығыста жұма жауын-шашынсыз өтеді. Сондай-ақ еліміздің кей жерлерінде жел күшейіп, көктайғақ пен тұман күтіледі, деп хабарлайды ҚазАқпарат «Қазгидромет» РМК-ға сілтеме жасап.

Атап айтқанда, Қарағанды облысының басым бөлігінде жел 15-20 м/с дейін күшейеді, түнде кей уақытта оның екпіні 24 м/с жетеді. Сондай-ақ жекелеген жерлерде тұман мен көктайғақ күтіледі.

Солтүстік Қазақстан облысында кей жерлерде желдің жылдамдығы 23-28 м/с артады, тұман, көктайғақ болжанады.

Павлодар облысында күндіз желдің күші  25 м/с жетуі ықтимал.

Шығыс Қазақстан облысының кей жерлерінде 15-20 м/с-пен соққан желдің екпіні 23-28 м/с жетеді.  

Қостанай облысында желдің жылдамдығы 15-23 м/с күшейіп, кей жерлерде тұман, көктайғақ болады.

Ақмола облысының кей жерлерінде желдің күші 15-25 м/с жетіп, түнде және таңертең тұман күтіледі.

Жамбыл облысының кей жерлерінде желдің күші 15-20 м/с күшейеді, түнде және таңертең сондай-ақ тұман болжанады.

Атырау облысының кей жерлерінде тұман болып, түнде жел 15-20 м/с артады.

Қызылорда, Ақтөбе облыстарының кей жерлерінде желдің күші 15-20 м/с жетеді.

Маңғыстау облысының кей аумақтарында тұман күтіледі.