Синоптиктердің 27 қаңтарға арналған ауа райы болжамы
АСТАНА. ҚазАқпарат - Қазақстанның ауа райын әлі де антициклон анықтауда. Соның әсерінен 27 қаңтар күні жауын-шашынсыз ауа райы сақталады. Республиканың кей жерлерінде желдің күшеюі, тұман, жаяу бұрқасын күтіледі, деп хабарлайды ҚазАқпарат «Қазгидромет» РМК-ға сілтеме жасап.
Атап айтқанда, Оңтүстік Қазақстан, Қызылорда облыстарының кей жерлерінде 18-23 м/с екпінмен соғатын желдің жылдамдығы 30 м/с күшейеді.
Жамбыл, Маңғыстау облыстарының кей жерлерінде 15-20 м/с екпіндегі жел 23 м/с артады, Жамбыл облысының жекелеген аумақтарында жаяу бұрқасын, тұман болады.
Қарағанды, Шығыс Қазақстан облыстарының кей жерлерінде тұман, 15-20 м/с екпіндегі жел болжанады.
Атырау, Ақтөбе облыстарында түнде 15-20 м/с жылдамдықта жел соғады.
Павлодар, түнде Алматы облысының кей жерлерінде тұман күтіледі.
Жамбыл облысында - қатты, Алматы облысында өте қатты аяздар сақталады.
Оңтүстік Қазақстан облысының кей жерлерінде өте қатты аяз болжанады.
Сонымен қатар қатты аяздар Қарағанды, Шығыс Қазақстан, Қызылорда, Маңғыстау, Павлодар облыстарының кей жерлерінде күтіледі.
