Siri Сирия туралы айтқан Ұлыбритания қорғаныс министрінің сөзін бөлді
БРЮССЕЛЬ. ҚазАқпарат - Ұлыбритания қорғаныс министрі Гэвин Уильямсон парламентте баяндама оқып тұрған кезде Siri мобильдік қосымшасы оның сөзін бөліп тастады. Youtube видеохостингінде тараған осы ролик қызу талқыланып жатыр, деп хабарлайды «ҚазАқпарат» ХАА-ның меншікті тілшісі.
Г.Уильямсон Сириядағы жағдай туралы айтып тұрғанда оның төсқалтасындағы iPhone маркалы телефоны іске қосылып кеткен.
«Мен «Сирия демократиялық күштері» сауалы бойынша интернеттен кейбір нәрселерді таптым», - деп сайрай жөнелді Siri.
Министр бұл жағдайды күлкімен жеңіп, тыңдаушыларынан кешірім сұрады.
