Сириядағы толқулар: 24 адам қаза тапты
АСТАНА. 22 қазан. ҚазАқпарат - Ливия көшбасшысы Каддафидің өлімі Сирия президенті Асад қарсыластарын рухтандырған сыңайлы.
Сирия белсенділерінің мәліметінше, елдің түрлі қалаларында жұма күнгі дәстүрлі ғибадаттан кейін жалғасқан көшедегі наразылық шараларында кем дегенде 24 адам қаза тапты, деп хабарлайды Би-Би-Си.
Жергілікті үйлестіру комитетінің хабарлауынша, адам шығыны ең көп болған қала - Хомс.
Ел арасында айтылып жүргендей, полковник Каддафидің өлімі жұма күнгі мінәжаттан кейін үкіметке қарсы іс-шараларды үнемі ұйымдастырып отыратын оппозиция жақтастарының іс-қимылын одан сайын ушықтыра түскен.
Наразылық танытушылар президент Башар Асадтың билігін тоқтатып, демократияның орнауын талап етуде.
