Сирияның ақпарат министрі: Башар Асад тақтан таймақ емес
АСТАНА. 23 қаңтар. ҚазАқпарат - Сирия президенті Башар Асад өз лауазымынан бас тартпақ емес. ВВС-дің хабарлауынша бұл жайында Сирияның ақпарат министрі Омран аз-Зоаби мәлім еткен.
«Асад ешқайда кетпейді», - деді ол Швейцарияның Монтре қаласында өтіп жатқан Сириядағы шиеленісті реттеу жөніндегі конференция барысында журналистерге.
Оның атап өтуінше, Б.Асадтың президент болу-болмауын Сирия халқы шешуі тиіс. Сонымен қатар министр Дамаскінің 2012 жылдың маусымындағы Женева коммюникесінің кейбір тармақтарымен келіспейтіндігін, дегенмен, барлығын келіссөздер үстелінде талқылау керектігін атап өтті.
