СҚО әкімі жол бойындағы қызмет көрсету нысандарын сынады
Жолаушылар көлігі және автомобиль жолдары басқармасының басшысы Бейбіт Исмановтың айтуынша, облыс бойынша жол бойында қызмет көрсететін 142 нысан ресми түрде тіркелген, олардың 123-і республикалық маңызы бар жолдардың бойында орналасқан.
«Жол бойындағы қызмет көрсету нысандары иелерінің барлығына жақсы жабдықталған санитарлық тораптар орнатуды ұйымдастыру жөнінде кеңес бердік. Барлық 17 жанар-жанармай құю станциясы мен 2 тамақтану нысанына хабарланды. Кәсіпкерлер бұл салада республикалық маңызы бар жолдарға аса мән береді», - деді Бейбіт Исманов.
Ұлттық стандартқа сәйкес, жол бойындағы қызмет көрсету нысандары көрсететін қызметтеріне байланысты төрт санатқа бөлінеді: А, В, С және D. «ҚазАвтоЖолдың» СҚО өңіріндегі филиалының директоры Болатбек Айтбаевтың айтуынша, А және В санаттарына автожуу, дәмхана, техникалық қызмет көрсету станциялары, кем дегенде 25 адамға есептелген қонақүйлер мен басқа да қызмет көрсетулер жатады. Облыста бұл санаттарға сәйкес келетін нысандар жоқ. С санатына республикалық магистральдарда орналасқан 123 нысанның 18-і келеді.
Құмар Ақсақалов жол бойындағы қызмет көрсетулерді дамыту жұмыстары әлі де жеткіліксіз екендігін жеткізді.
«Өтіп бара жатсаң, барлық жерде тазалық жоқ. Ескі материалдардан тұрғызылған сүреңсіз нысандар, ал атаулары жер жарады. Астанаға бағыт алған жолаушылар легі көп. Ал жол бойында бірде-бір жібі түзу қызмет көрсету нысаны жоқ. Жанармай құю станциялары өз аумақтарын ретке келтіруді әлдеқашан ұмытқан», - деді СҚО әкімі.
Облыс әкімі шекара бекеттерінде жүргізілген жұмыстармен де танысты. Жиналыс барысында бекеттердегі кейбір вагоншылардың заңсыз тұрғандығы анықталды.