СҚО-да 20 адам «доңыз» тұмауына шалдықты
ПЕТРОПАВЛ. ҚазАқпарат – Солтүстік Қазақстан облысында эпидемиологиялық маусым басталғалы 30 мыңға жуық адамға жедел респираторлы вирустық инфекцияға, 269 адам тұмауға шалдықты, деп хабарлайды ҚазАқпарат тілшісі.
СҚО әкімдігінде өңірдегі эпидемиологиялық жағдайға байланысты жиын өтті. Оған себеп жоқ емес, ЖРВИ-мен ауыру 1,6 есе, тұмауды жұқтыру 7,7 есе артқан.
СҚО санитариялық-эпидемиологиялық бақылау департаментінің басшысы Әсет Жұматаевтың айтуынша, 1 қазан – жаңа эпидемиологиялық маусым басталғалы өңірде 29 581 адам ЖРВИ жұқтырған, өткен жылы 18 мыңға жуық адам ауырған. Сондай-ақ биыл ауырғандардың 65% - 14 жасқа дейінгі бала.
«14 қазаннан бері өңірде грипті жұқтырудың 269 жағдайы тіркелді. Былтыр небары 35 адам ауырған еді. Биылғы 20 жағдай «доңыз» тұмауына қатысты. 4 адамға H3N2, яғни «гонконг» тұмауы диагнозы қойылды.
Ауырғандардың 52-сі – жүкті әйел, 84-і 14 жасқа дейінгі бала», - дейді Әсет Жұматаев.
Тұмауды жұқтырғандардың басым бөлігі Петропавл қаласының тұрғындары.
«Эпидемиологиялық маусым басталғалы 16 қаңтарға дейін ЖРВИ-мен стационарларда 748 адам жатып, ем алып шықты. Олардың 96-сы жүкті әйел, 599-ы – бала. Жалпы ауырғандардың 65% - балалар.
Коронавирус инфекциясы кезінде мектептерде балалар қашықтан білім алды, балабақшалар жұмыс істеген жоқ. Салдарынан балаларда тиісінше иммунитет қалыптаспады. Сондықтан бүгінде олар жиі ауыратын болған», - дейді СҚО денсаулық сақтау басқармасының басшысы Құмар Күсемісов.
Облыстың бас дәрігерінің айтуынша, стационарларда тұмаумен 10 адам жатты, тағы алтауы «доңыз» тұмауынан емделген.
