СҚО-да балық аулап жүрген тұрғын суға кетті

None
None
ПЕТРОПАВЛ. ҚазАқпарат - Солтүстік Қазақстан облысының Жамбыл ауданында 64 жастағы ер адам суға батып кеткен, деп хабарлайды ҚазАқпарат тілшісі.

Облыстық төтенше жағдайлар департаменті баспасөз қызметінің мәлімдеуінше, ауыл тұрғыны 31 тамыз күні көлде балық аулаймын деп суға кеткен. Оның денесі тек 10 қыркүйекте ғана табылды.

«Жедел іздестіру-құтқару жасағы оқиға орнына шұғыл жеткен. Осы кезге дейін құтқарушылар су түбінің 2100 шаршы метрін және көлдің айналасын тексерді. Ер адамның денесі сараптамаға жіберілді», - дейді баспасөз қызметінің өкілдері.

Жыл басынан бері өңірде осымен екінші рет балықшы суға кетті.

Құтқарушылар қайықпен балық аулауға шықпақ болғандарға міндетті түрде құтқару жилетін кию қажет екенін ескертеді.

Соңғы жаңалықтар
telegram