СҚО-да цифрлық сүт кешендері салынады
НҰР-СҰЛТАН. ҚазИнформ – Солтүстік Қазақстан облысында цифрлық сүт өнімдерін дамытуға көңіл бөлініп отыр. Бұл туралы Солтүстік Қазақстан облысының әкімі Құмар Ақсақалов айтты, деп хабарлайды ҚазАқпарат тілшісі.
«Қазіргі уақытта ет өндіру тиімді. Аймағымызда адам басына 171 кг ет өндіріледі, бұл біздің қажеттілігімізден 3 есе жоғары көрсеткіш», - деді Құмар Ақсақалов Орталық коммуникациялар қызметінде өткен брифингте.
Сондай-ақ, облыста сүт өндіру саласы дамып келеді.
«Бүгінгі таңда СҚО цифрлық сүт фермаларын дамытуға көңіл аударып отыр. Бізде 17 сандық ферма бар, осы жылы тағы 3 цифрлық сүт кешені салынады. Келесі жылы тағы осындай 10 заманауи ферма салынады. Сүт кешендері арқылы сүт өнімін 20 мың тоннаға арттыру жоспарда бар» - дейді облыс әкімі.
