СҚО-да иіс тиіп уланған 8 баланың бесеуі жансақтау бөлімінде жатыр
ПЕТРОПАВЛ. KAZINFORM – Солтүстік Қазақстан облысында көміртегі тотығымен уланып қалған бір отбасының 8 баласы аналарымен бірге Айыртау аудандық ауруханасында ем алып жатыр.
СҚО денсаулық сақтау басқармасы баспасөз қызметінің мәліметінше, бүгін ауруханаға түскен 8 баланың үшеуі балалар бөлімшесіне орналастырылды, жағдайлары орташа. Қалған бес бала қазір жансақтау бөлімшесінде жатыр, жағдайлары тұрақты, ауыр.
«Әйел 1990 жылғы, аудандық аурухананың терапия бөлімшесіне орналастырылды. Балалардың ең кішісі 2018 жылғы және егіз қыз 2012 жылы туған. Егіздің біреуі де жансақтау бөліміне түсті», - дейді ведомствоның баспасөз хатшысы Гүлнар Қалиева.
Есеріңізге салайық, бүгін Айыртау ауданы Антоновка ауылында бір үйдің 9 адамы иіс тиіп уланғандығы жөнінде 112 телефонына хабар түсіп, олардың бәрі жедел түрде аудандық ауруханаға жеткізілген еді.
Алдын ала болжам бойынша, әйел пештің мұржасын ерте жауып тастаған.
