СҚО-да көктайғаққа байланысты республикалық маңызы бар жолдар жабылды
ПЕТРОПАВЛ. ҚазАқпарат – Солтүстік Қазақстан облысында көктайғаққа байланысты республикалық маңызы бар бірқатар жол жүк көліктеріне жабылды, деп хабарлайды ҚазАқпарат тілшісі.
СҚО nөтенше жағдайлар департаменті баспасөз қызметінің мәліметінше, ауа райының нашарлауына байланысты бүгін сағат 11.00-ден бастап республикалық маңызы бар жолдардың бірқатарында жүк көліктерінің қозғалысы шектелді.
Олар:
- РФ шекарасы Челябіге, Новосібірге, Петропавл арқылы Омбыға баратын Петропавлдан Булаев қаласына дейінгі аралығы, М-51 автожолының 535-618 шақырымы;
«Астана - Петропавл» А-1 автожолының 392-473 км (Рощинское елді мекенінен Петропавлға дейін);
- «Жезқазған – Петропавл, Аркалық арқылы» А-16 автожолының 673-946 км (Тоқсан би ауылынан Бескөл ауылына дейін);
- «Петропавл - Соколовка - РФ шекарасы (Ишим қаласына қарай)» А-12 автожолының 11-73 км (Петропавлдан РФ шекарасына дейін);
- «Көкшетау - Рузаевка» Р-11 автожолының 61-196 км (Ақмола облысының шекарасынан Рузаевка елді мекеніне дейін);
- «РФ шекарасынан (Екатеринбург жаққа) - Алматы» М-36 автожолының 729-856 км (Қостанай облысы шекарасынан Ақмола облысының шекарасына дейін);
- «Қарасай батыр мемориалдық кешеніне барар жол» Р-28 автожолының 0-24 км (Саумалкөл ауылынан Қарасай батыр мемориалдық кешеніне дейін).
