СҚО-да КВИ жұқтырған 7 адам жансақтау бөлімшесінде жатыр

ПЕТРОПАВЛ. ҚазАқпарат – Солтүстік Қазақстан облысында екінші күн қатарынан коронавирус инфекциясын жұқтыру жағдайлары тіркелмеді, деп хабарлайды ҚазАқпарат тілшісі.

СҚО денсаулық сақтау басқармасының мәліметінше, 22 және 23 наурыз күндері өңірде коронавирусты жұқтырудың жаңа жағдайлары тіркелмеді. Өткен тәулікте 159 адам ауырып, ПТР-тест тапсырған, алайда оларда КВИ анықталмады.

Қазіргі уақытта инфекциялық стационарда 45 адам ем алып жатыр, тағы 7 сырқат жансақтау бөлімшесіне орналастырылған.

Жалпы СҚО-да індет басталғалы 44 357 адам COVID-19 жұқтырды. 43 600 адам тәуір болып шықты. Ал 484 сырқаттың ауруы асқынып, қайтыс болды.