СҚО-да полиция қызметкерлеріне күш қолданудың 13 дерегі тіркелді
ПЕТРОПАВЛ. ҚазАқпарат - СҚО-да жыл басынан полицейлерге қатысты күш қолданудың 13 дерегі тіркелді, деп хабарлайды ҚазАқпарат Polisia.kz сайтына сілтеме жасап.
Петропавл полицейлері ерлі-зайыптыларды тыныштандыру кезінде қол кісендерін қолдануға мәжбүр болды. Билік өкіліне қатысты күш қолдану – ауыр қылмыстық құқық бұзушылық, ол үшін қатаң жауапкершілік қарастырылған.
Тәжірибе көрсеткендей, мұндай жағдайлардың басым көпшілігі полиция құқық бұзушылардың маскүнемдік әрекеттерін тоқтатып, оларды медициналық куәландыруға жеткізген кезде жасалады. Ішімдікті асыра сілтеген адамның әрекеттерінің салдары ауыр оқиғаларға апарып соғуы мүмкін.
Мысалы, маусым айында Петропавл полицейлері ерлі-зайыптыларды тыныштандырып, қол кісендерін қолдануға мәжбүр болды. Оқиға сағат 7:00 шамасында, қалалық дәмханалардың бірінің жанында орын алды. Әбден мас болған ер адамның қылығына полицияның әрекет етуі қажет болды. Ер адам медициналық куәландырудан өту туралы заңды талапты орындаудан бас тартты, ал әйелі полиция қызметкерінің білегінен тістеп алды.
«Екеуіне де қол кісендерін қолдануға тура келді. Нәтижесінде 38 жастағы қала тұрғыны сотталды. Сот оның қылмыстық жауапкершілікке алғаш рет тартылып отырғанын ескеріп, 1 жылға бас бостандығын шектеу жазасын тағайындады және осы мерзімге пробациялық бақылау орнатты. Қылмыстық кодекстің 380-бабына сәйкес, билік өкілдеріне қатысты өмірге немесе денсаулыққа қауіпті емес күш қолдану 4 жылға дейінгі мерзімге бас бостандығынан айыруға жазалануы мүмкін екенін есте ұстаған жөн», – дейді СҚО ПД Тергеу басқармасының бастығы Қайрат Қасымбеков.
Жыл басынан бері СҚО-да ҚК 380-бабы бойынша 13 факті тіркелді.
Фото: polisia.kz
