СҚО-да психдиспансерден 4 күн бұрын қашып кеткен науқас табылмай жатыр

ПЕТРОПАВЛ. ҚазАқпарат – Солтүстік Қазақстан облысында 29 жастағы жігіт Тайынша қаласында орналасқан психикалық денсаулық орталығынан кетіп қалған. Сырқат төрт күннен бері табылмай жатыр, деп хабарлайды ҚазАқпарат тілшісі.

Волонтерлер әлеуметтік желіде 29 жастағы Руслан Васильевич Щедневке іздеу жариялады. Ол 21 сәуір күні сағат 10.00 шамасында Тайынша қаласындағы психикалық денсаулық орталығынан шығып кеткен. Жігітке «психикалық бұзылу» диагнозы қойылған. Бойы 180-182 см шамасында. Арықша келген, қысқа қара шашты.

Үстінде капюшоны бар көк күртеше, қара трико, бәтеңке және қара түсті бас киім болған.

Сондай-ақ өңірде Қызылжар ауданы Чапаев елді мекенінің тұрғыны Нариман Нұрсейітовке де іздеу жарияланды. 49 жастағы ер адам 26 наурыз күні үйінен шығып, облыс орталығына бет түзеген. Содан бері хабар жоқ.

Бойы 160-165 см шамасында, дене бітімі орташа келген, шашы қысқа, селдір, қара түсті.

Сол күні үстінде қара күртеше, қара-көк түсті джинс шалбар және қара бас киім болған.

Жоғалған адамдар жайында қандай да бір мәлімет болса 8 926 62664 33, 8 777 307 99 65 немесе 102 нөміріне хабарласуға болады.

Бұған дейін іздеуде болған Елена Миронюк аман-есен табылғанын жазған едік.