12:50, 19 Шілде 2022 | GMT +5
СҚО-да Табын көлінде балық қырылды
НҰР-СҰЛТАН. ҚазАқпарат – Солтүстік Қазақстан облысындағы Табын көлінде балық қырылды, деп хабарлайды ҚазАқпарат тілшісі.
Балықтың қырылу себебін анықтау үшін Есіл облысаралық бассейндік балық шаруашылығы инспекциясы, Табиғи ресурстар және табиғат пайдалануды реттеу басқармасы және ветеринарлық қызмет мамандары жұмыс істеп жатыр.
Экология департаментінің мәліметі бойынша, мамандар көл жағалауын зерттеу барысында ондаған балық өлексесін тапқан. Бүгінде судан және өлі балықтардан сынамалар алынған. Ведомство өкілдері зерттеу аяқталғаннан кейін, балықтардың қырылу себебін жариялауға уәде етті.
Қоса кетейік, бұған дейін Атырау облысыда үш айда 1 мың тоннадан астам балық қырылғанын жазған болатынбыз.