СҚО-да жыл басынан бері 600-ге жуық шетелдік жұмысқа орналасты
ПЕТРОПАВЛ. ҚазАқпарат - Солтүстік Қазақстан облысында жыл басынан бері 597 шетел азаматы жұмысқа орналасты. Олардың екеуі жекеменшік үйлерді салумен айналысады.
«Өткен жылдың сәуір айынан бастап Солтүстік Қазақстан облысында 1700ден аса еңбек мигранты жұмыс істеуге рұқсат алды. Биылғы жылы аймақта 597 шетелдік жұмысқа орналасты. Өзбекстаннан келген ерлі-зайыптылар Тимирязов ауданында жұмысқа орналасқан. Олар жекеменшік үйлердің құрылысымен айналысады. Әзербайжаннан келген тағы бір отбасы Петропавл тұрғынының үйінде үй шаруасымен айналысады», - деді СҚО ІІД көші-қон басқармасының басшысы Еркетай Тұтқышев.
Сондай-ақ рұқсат алу тәртібі жеңілдетілген болса да, шетелдіктерді заңсыз жұмысқа салу оқиғалары анықталды. Жыл басынан бері заңсыз жұмыс жасаған 30-дан аса адам белгілі болды.
