СҚО Кәсіпкерлік және туризм басқармасының бастығы болып Евгений Глотов тағайындалды
«Евгений Сергеевич Қарағанды облысындағы Теміртау қаласының тумасы. Гумилев атындағы Еуразия ұлттық университетінің заң факультетін «халықаралық құқық» мамандығы бойынша тәмамдаған, сондай-ақ «Болашақ» бағдарламасы бойынша City university London-да оқу бітірді. Халықаралық құқық бакалавры. Құқық магистрі. Еңбек жолын 2006 жылы Қазақстан жастары конгресінде менеджер болып бастаған», - делінген хабарламада.
2007-2008 жылдар аралығында «Есірткісіз болашақ» корпоративтік қорында атқарушы директор қызметін атқарған. 2008-2014 жылдары Қазақстан ауыл жастары одағының төрағасы болды. 2010 жылдан бастап коммерциялық құрылымдарда жұмыс істеді. Директордың орынбасары, «Агроиздат» ЖШС-нің директоры, «Полюс-СТ-Евразия» ЖШС директорының орынбасары, «Стилсофт-Астана» ЖШС коммерциялық директоры қызметтерін атқарды.
2015 жылдың қаңтар айынан шілдеге дейін - Солтүстік Қазақстан облысы әкімінің бас инспекторы.
Осы тағайындауға дейін құрылымдық бөлімше - Солтүстік Қазақстан облысы әкімі аппаратының ұйымдастыру-инспекторлық бөлімінің меңгерушісі болып қызмет атқарған.