СҚО мен Атырау облысында тұман түсіп, шаңды дауыл соғады
НҰР-СҰЛТАН. ҚазАқпарат - Қазақстанның екі өңірінде ауа райына байланысты ескерту жарияланды, деп хабарлайды ҚазАқпарат «Қазгидромет» РМК баспасөз қызметіне сілтеме жасап.
13 сәуірде Солтүстік Қазақстан облысында түнде және таңертең кей жерлерде тұман түседі. Оңтүстік-батыстан соққан желдің екпіні кей жерлерде 15-20 м/с дейін күшейеді.
13 сәуірде Атырау облысында батыстан күшті жел соғады, екпіні 15-20 м/с жетеді. Күндіз кей жерлерде шаңды дауыл соғады.
Атырау қаласында батыстан соғатын желдің екпіні - 15-20 м/с.
