СҚО және Ақмола облыстарындағы автожол учаскесінде көлік қозғалысы шектелді
НҰР-СҰЛТАН. ҚазАқпарат – Қазақстанның екі облысында ауа райының қолайсыздығына байланысты жол учаскелерінде көлік қозғалысы шектелді, деп хабарлайды ҚазАқпарат ҚР ИИДМ Телеграм каналына сілтеме жасап.
Солтүстік Қазақстан облысында 2021.02.24 күні сағат 15.15-те ауа райының нашарлауына байланысты (боран, жолдың көрінбеуі) «Нұр-Сұлтан-Петропавл» автожолының 341-473 шақырымында автокөліктің барлық түрлері үшін қозғалыс шектелді.
Ақмола облысында 2021.02.24 күні сағат 15.15-те ауа райының нашарлауына байланысты (боран, жолдың көрінбеуі) «Нұр-Сұлтан-Петропавл» автожолының 304-341 шақырымында барлық автокөлік түрлерінің қозғалысына шектеу енгізілді.
