Смоленск диспетчерлердің әңгімелері ХАК сайтында жарияланды

АСТАНА. 19 қаңтар. ҚазАқпарат - Халықаралық авиациялық комитет (ХАК) сейсенбі күні кеште 2010 жылдың сәуірінде бортында Польша Президенті бар ұшақтың апатқа ұшырамас бұрын диспетчерлердің бір-бірімен сөйлескен әңгімелерін талдай отырып, жариялады.

«Жариялауға жатпайтын» белгісі бар құжаттардың Польша жағының өтінішіне байланысты кеңінен халыққа жариялануы - бұл түптеп келгенде, «әлемдік қауымдастықтың шынайы ақпараттар алуына көзін жеткізу болатын», деп атап көрсетеді бұл туралы ХАК техникалық комиссиясының төрағасы Алексей Морозов. Бұл туралы "Лента.ру" агенттігі хабарлап отыр.

Сайтқа ашық микрофоннан жазылған телефон әңгімелері мен радиокеліссөздер жазбасы салынған.