Сочи Олимпиадасы: Биатлон бойынша сынға түсетін Қазақстан командасының құрамы таныстырылды

АСТАНА. 6 қаңтар. ҚазАқпарат - Сочидегі Олимпиада ойындарында биатлон бойынша сынға түсетін Қазақстан командасының құрамы жарияланды, деп мәлім етті Biathlon.kz. порталы.

Ерлер мен қыздар құрамасына бес спортшыдан енді, деп хабарлады Vesti.kz.

Биатлоннан Қазақстан Республикасының қыздар құрамасы: Елена Хрусталева, Дарья Усанова, Марина Лебедева, Алина Райкова, Галина Вишневская.

Биатлоннан Қазақстан Республикасының ерлер құрамасы: Ян Савицкий, Антон Пантов, Сергей Наумик, Диас Кенешев, Александр Трифонов.

Жатттықтырушылар штабының құрамында - Михаил Дудченко, Николай Выдрин, Виктор Смирнов. Қызмет көрсетуші топ - Андрей Белопухов.

Айта кетейік, Хрусталева Ванкувердегі ойындардың күміс жүлдегері. Сочидегі Олимпиада 6 ақпанда басталып, 23 ақпан күні аяқталады.