София Ротару шұғыл ауруханаға жатқызылды
АСТАНА. ҚазАқпарат - Танымал әнші София Ротару өзінің ауруханаға жатқызылғаны жайлы тараған хабарға орай түсінік берді.
«Шынында да кеше денсаулығыма байланысты бірқатар проблемалар туындады»,- деп жазды ол өзінің Instagram-аккаунтына.
Сондай-ақ өз табынушыларына қолдау көрсеткендіктері және қамқорлықтары үшін алғыс айта келе, қазір өзін қалыпты сезінетіндігін жеткізген.
Бұдан бұрын БАҚ-та Ротарудың Уфа қаласында болған корпоративтік шарада ән салғаннан соң ауруханаға жатқызылғандығы туралы хабарланған болатын.
София Ротару - кеңестік және украиндық эстрада әншісі және актриса. 1988 жылы КСРО Халық әртісі атағын алды, ал 2002 жылы Украина Батыры атанды. Оның репертуарында орысша, украинша және өзге де тілдерде 500-ден аса ән бар.
