SoftBank компаниясы үйге арналған роботтарды сата бастайды
АСТАНА. ҚазАқпарат - Бейсенбіде жапондық SoftBank Corp компаниясы ақпан айынан бастап үйде қызмет көрсетіп, басқа да шаруаларды атқара алатын адам тәрізді роботтарды сата бастайтындығын хабарлады.
Үйде күтуші, бала бағушы, жедел жәрдем дәрігері, кешке бірге серуендейтін, тіпті оқып, өз көңіл-күйін білдіретін роботтарды 198.000 иенге (1.900 доллар) сатып алуға болады, деп мәлім етті медиакорпорацияның басшысы Масаеси Сон.
Сауда министрлігінің баяндамасына сәйкес, 2012 жылы Жапониядағы робот техникасы нарығындағы айналым 860 миллиард иенді (8,38 млрд. доллар) құраған, ал 2020 жылға қарай ол 2,85 триллион иенге жетуі мүмкін.
